[Translation.]
No. 47.—Pukapuka-inoi a Erusra Poihi me etai atu e 55.

E ki ana nga kai-pitihana kua maha o ratou tau e noho ana i runga i nga whenua here a nga Maori i Motueka me Riwaka me to ratou utu i nga reti nui; i runga i te whakaaro tera e whakahoungia atu ano a ratou riihi i tahuri ratou ki te mahi i etahi whakapainga ki te hanga whare hoki i runga i aua wahi; na e mohio ana ratou ko a ratou whakapainga ka riro noa atu a te mutunga o a ratou riihi i runga i nga tikanga o "Te Ture Rahui Whenua Maori, 1882." E inoi ana ratou i naianei kia whakatikaia "Te Ture Rahui Whenua Maori, 1882," kia whakaurua atu ki roto nga tikanga o "Te Ture Whakatikatika 1882 i te Ture Whenua, 1877."

Kua whakahaua ahau kia ki penei:—

Ko te whakaaro a te Komiti e pa nui ana "Te Ture Rahui Maori, 1882," ki nga take o nga kai-Kitihana. I runga i nga whakahaere mo nga whenua here e noho nei ratou i runga e uru ana tenei whakaaro ki roto me whakahou ano nga riihi a nga kai utu reti mehemea c piki atu ana nga reti hei utunga ma ratou i runga ano i nga tikanga hangai mo aua riihi, me te waiho ano ki a ratou a ratou whakapainga tuturu ake. I raro i taua whakaaro, e hara hoki i te mea na te ture engari na te ngakau, i nui te whakapai a aua kai-utu reti i a ratou riihi i runga i te ngaki pai i te whenna, i te hanga whare, i te taiepa, i te keri awa, me etahi atu mea; na e whakanuia ano e aua mahi te utu o te whenua. Ko nga wahi e riihitia ra he wahi iti timata atu i te 5 eka tae atu ki te 50 eka, a kei te nui ano nga reti i naianei ko etehi e tae ana ki te kotahipauna ki te rua pauna mo te eka i te tau. Ko enei utu nui na nga mahi tonu a nga kai-utu reti. E mate ana ratou i "Te Ture Rahui Maori, 1882," notemea e kiia ana taua ture a te mutunga o aua riihi me makete ano e te Kaitiaki a te Katoa a me tuku atu ki te hunga e hoatu ana i te reti nui. He mate tenei kihai i whakaarohia e te Paremete. E hara ta nga kai utu reti i te mea kia pono tonu nga riihi kia ratou ake tonu atu, engari he whai na ratou ko a ratou whakapainga kia whakataua e te ture kia ratou, me te whakaatu mai hoki ki te whakaurua nga tikanga o "Te Ture Whakatikatika 1882 o te Ture Whenua, 1877," ki roto ki "Te Ture Rahui, 1882," tera ratou e pai. E mea ana te Komiti me tuku atu tenei tono kia whakaarohia e te Kawanatanga me kore e wawe te hanga he ture hei whakaora i nga tono tika a nga kai-utu reti o nga rahui katoa i riihitia e ratou i mua atu i to mananga o "Te Ture Rahui Maori, 1882."