Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Report of the Native Affairs Committee, 1883.

[Translation.] — No. 118.—Pukapuka-inoi a Honana te Maioho

[Translation.]
No. 118.—Pukapuka-inoi a Honana te Maioho.

E ki ana te kai-pitihana i riihitia e ia te moutere a Taipouri, Waikato, kia Hone Mua, a i riro i a ia i taua tangata tetahi moni nama £100. Kaore e marama te pitihana, enegari kua riro te whenua a te kai-pitihana, a e mea ana ia na Mua me Kauere raua ko tona wahine Maori i tahae tona whenua.

Kua whakahaua ahau kia ki penei:—

Ko te kupu mai a Te Wikirihana kaiwhakahaere o nga mea Maori a te Kawanatanga i Akarana e mea ana: "I karaatitia a Taipouri ki a Honana i raro i 'Te Ture Whakanohonoho o Nui Tireni, 1863,' katahi ka riihitia e ia i Tihema, 1868, mo nga tau 15 ki a Mua, ko te reti i te tau e £31 5s. No muri i tenei ka moketetia e Honana taua Moutere me tetahi e tata ana ki reira ki a Mua i te 25 o Maehe, 1870, mo te £200. Na ko enei moni i whakaritea hei te 24 o Maehe, 1875, utua ai e Honana apiti hoki ki nga hua o aua moni, na kaore i utua e Honana taua moni me nga hua heoi hokona ana i runga i te ota a te Rehita o te Hupirimi Kooti Akarana; Ko te kaituku i te mokete nana te karanga nui mo taua whenua, a tukua atu ana e te Rehita mana. Ko Hare Reweti te kaiwhakamaori o te riihi me te motete." I te mea kaore he korero ke atu i te Komiti kaore o ana kupu notemea e marama ana he mea e mahia ana i nga tikanga o te mahi.

11 Hurae, 1883.