[Translation.]
No. 33.—Pukapuka-inoi a Arama Karaka Haututu.
E Mea ana te kai-pitihana ko raua anake ko Huhana Hetaraka Takapuna nga tangata i rungi i nga take tipuna no raua etahi whenua maha noa atu e takoto ana i roto i te Takiwa Porowini o Akarana, haere atu i te pito whakararo o Waitemata ki Orewa. E ki ana ia ahakoa he nui noa atu nga whakaaetanga ki a ia tera ano e rapua ona take ki reira, kaore ano kia mahia, no reira ka tono i naianei kia whiriwhiria ona take a kia whakaputaina he ora ki a ia.
Kua whakahaua ahau kia ki penei:—
Ko aua whenua i hokona e te Kawanatanga i te tau 1841 ko nga moni i utua i nga tau 1841, 1844, 1851 (e rua nga pukapuka hoko), 1853 (e rua nga pukapuka hoko), me 1854. I tetahi o nga pukupuka hoko o te 1851 tera ano te mapi o te mapi o te Poraka o Maturangi e whakaatu ana i uru katoa aua whenua nei ki roto, a kei te pukupuku hoko e mau ana ingoa o Arama Kakaka. Kaore he take tika o te kai-pitihana ki nga whenua e whakahuatia nei i roto i tona pitihana.