[Translation.]
No. 426 of 1882.—Pukapuka-inoi a Toha me etahi atu e 29.

E Ki ana nga kai-pitihana kei te kawea tetahi rori ma roto pu ano i to ratou kainga i Mohaka, e tapahi ana taua rori i waenganui i o ratou whare-puni; na kaore he ora e tukua atu ana kia ratou e te Kauti Kaunihera, a kaore hoki he kupu whakaatu ka utua ranei ratou kaore ranei.

E Ki ana nga kai-pitihana he iwi piri-pono ratou ki a Te Kuini no mua iho—a he inoi ta ratou, kia whiriwhiria to ratou mate kia whakataua he ora kia ratou:—

Kua whakahaua ahau kia ki penei:—

I tae mai ano tenei pitihana ki te Komiti i te 29 o Hune, a i whakataua i reira; ko Paora Kerepu me etahi atu nga kai-pitihana: Ko te whakatau i reira he tono i te Kawanatanga kia tino rapua nga tikanga katoa o taua raruraru. Na kua rapua taua mea, kua tae mai nga ripoata a te Tino Kai-ruri i Nepia, me te mapi whakaatu i nga raina katoa kua takoto mo taua rori—kaore taua rori e pa ana ki tetahi whare, taiapa, mahinga-kai ranei: Ko te Kauti Kaunihera hei hanga hei whakapai i nga rori, no reira kaore he kupu a te Komiti.