Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1882.

[Translation.] — No. 117 of 1882.—Pukapuka-inoi a Henare Kaipuke me etahi atu e 5

[Translation.]
No. 117 of 1882.—Pukapuka-inoi a Henare Kaipuke me etahi atu e 5.

E Tono ana nga kai-pitihana mo te taha ki te hapu o Ngatihanui kia roherohea o ratou whenua i Hukanui, Waikato, e tata ana ki Hamutana, ki ia tangata ki ia tangata.

Kua whakahaua ahau kia ki penei:—

E Ki ana te ripoata a Maiho (Mr. Marshall) no te tau 1870 ka haere raua ko Te Karaka ki Kemureti mo nga tono kia tae atu ki a raua, engari kaore nga kai-pitihana i haere ake ki reira, a koina hoki i kore ai e uru o ratou ingoa ki roto ki te rarangi o nga tangata e hoatu ai he whenua.

Ko nga korero a Meiha Te Wheoro e mea ana. Ko era tangata i noho ki runga ki era whenua (no ratou hoki i mua) i te tau 1868. Kaore he whenua ke atu i hoatu e te Kawanatanga ki a ratou. I te tau 1873 e ki ana a Meiha Te Wheoro, ka whakaaetia e Te Rata Porana taua whenua mo ratou, i reira ano tera a Te Wheoro me Te Make i taua whakaaetanga. No reira mai ra ano te nohanga o nga kai-pitihana ki runga ki taua whenua ki Hukanui. Kei te tautohetohe ratou i naianei ki ratou ano mo te mana tapahi i nga rakau, a tera pea e tipu ake ano he raruraru.

E whakahau ana te Komtti kia tino rapua e te Kawanatanga taua mea katoa, a ka whakahaere i i runga i te huarahi tika e kitea ana e ratou.

17 Akuhata, 1882.