[Translation.]
No. 355 of 1882.—Pukapuka-inoi a Rapata Kereama (Nama 5).

E Ki ana te kai-pitihana no te tau 1881 ka rongo ia kua panuitia e te Kawanatanga a Oruanui, e tata ana ki Taupo, engari i kite ia i nga nupepa i rongo hoki ia ki nga apiha a te Kawanatanga, ka whakarerea e te Kawanatanga etahi o nga whenua kaore nei i tino oti te hoko, i te hokinga mai ki a ratou nga moni i utua, ki to ratou whiwhinga ranei ki etahi whenua hei whakarite i aua moni, no reira i tahuri ai te kai-pitihaha ki te hoko i nga hea a etahi tangata tokorua whaitake ki taua whenua, riro ana i a ia; kaore ano kia unuhia te panui a te Kawanatanga mo runga i taua whenua, engari e kiia ana i naianei e hiahia ana te Kawanatanga ki te tino hoko rawa i taua whenua, a kua whakaae atu hoki i te utu, nui atu i te utu i whakaritea ai e te kai-pitihana; no reira ka mate te kai-pitihana:—

Kua whakahaua ahau kia ki penei:—

Ko te whenua e korerotia nei e te kai-pitihana i panuitia e te Kawanatanga i te tau 1878, na i mohio ano hoki te kai-pitihana ki taua panuitanga tahuri tonu ia ki te hoko me tana takahi i te Ture, kaore ana take kia arohatia e te Whare.