[Translation.]
No. 349 of 1882.—Pukapuka-inoi a Rapata Kereama (Nama 1).

E Ki ana te kai-pitihona no te 9 o Tihema, 1878, ka hoatu ki a ia tetahi taha o Te Koutu me Kawaha i te takiwa o Rotorua, whakaaetia ana kia riihitia e ia te toenga o taua whenua; i whakaaetia enei mea ki a ia no te mea nana i arai te raruraru i kore ai e heke te toto; kua whakapaia e ia taua whenua; kua panuitia taua whenua i raro i to Ture Ngawha no reira kua kore e puta mai ki a ia he oranga i runga i taua hoatutanga a nga Maori ki a ia.

Kua whakahaua ahau kia ki penei:—

Ko taua whenua ko Te Koutou e uru nei a Kawaha ki roto, i riihitia e te Kawanatanga i Hepetema, 1874, no Maihe o te tau 1878, ka panuitia e te Kawanatanga taua poraka i runga i ta ratou hoko, na e mea ana ano te Kai-pitihana no Tihemo ke o taua tau i hoatu ai taua whenua mana; ko taua kupu e mea nei i hoatu te whenua ki a ia, i puta taua kupu i muri i tana hoatutanga nuitanga i te taonga me te waipiro me te tupeka ki nga Maori, na kaore taua kupu a nga maori kia whakatuturutia; kaore he take o Te Kereama ki taua whenua, kaore hoki he tikanga kia tono ia ki te Kawanatanga te tautoko i a ia.