Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1882.

[Translation.] — No. 57 of 1882.—Pukapuka-inoi a Pita Tunua me Parore

[Translation.]
No. 57 of 1882.—Pukapuka-inoi a Pita Tunua me Parore.

E ki ana nga kai-pitihana kaore o raua whenua, na he tono ta raua kia karaatitia atu kia 200 eka mo raua i roto i te Poraka o Opuawhanga, e tata ana ki Whangarei. E ki ana raua i whakapohehetia raua kia tuhi i etahi pukapuka.

Kua whakahaua ahau kia ki penei:—

E wha rawa nga poraka e mau ana taua ingoa kotahi. Ko te nama 3 i Karauna Karaatitia ki a page 11Eruera Maki i to 27 o Hune, 1868; i karaatia ki tona kotahi. Hokona ana e ia ki te Kawanatanga i Maehe i te tau 1879. Ko te nama 2 i karaatitia ki a Pita Tunua raua ko Parore i te 27 o Hune, 1868; tokorua raua he kai-pitihana i naianei. I hokona taua wahi ki te Hupiritenete o Akarana i te tau 1870. I te tau 1872 ka wera i te ahi nga pukapuka-hoko— i mua i te rehitatanga o aua pukapuka—i te weranga o nga Tari Kawanatanga i Akarana. I te tau 1878 i whakahaua e Te Hiana, Minita mo te Taha Maori kia mahia houtia he pukapuka-hoko. I hainatia ano taua pukapuka e nga Kai-hoko. E ono pauna i utua mo te tuhinga i taua pukapuka tuarua, engari i utua enei moni hei whakaea kau i nga moni a nga Maori i pau i to ratou taenga atu ki reira. E whakaatu ana ano taua pukapuka i te take i mahia houtia ai, e marama katoa ana nga kupu, i tika hoki te mahi i taua pukapuka. E kore e ahei te Komiti ki te ki atu kia whakaaetia te inoi a nga kai-pitihana.

11 Hurae, 1882.