[Translation.]
No. 115 of 1882.—Pukapuka-inoi a Paora Rerepu me etahi atu e 24.

E whakahe ana nga kai-pitihana ki te haerenga o te rori ma to ratou kainga he wahi hoki i o ratou whare me a ratou taiapa, a e ki ana ano ratou tera atu ano tetahi wahi pai hei haerenga mo te rori.

Kua whakahaua ahau kia ki penei:—

Kua tae mai he korero ki te Kawanatanga kaore ano he whare kia whakapangia, kaore ano he tino taiapa kia tangohia ki wahi ke, engari ko te rori kua ahua kino i te meatanga kia kaua e haere ma roto i nga ngakinga Maori—ko taua rori kei runga tonu i te ara tawhito e haere ana; otira e ki ana te Apiha kei a ia te whakahaere o taua rori kaore ano ia i tae ki taua wahi titiro ai—E ki ana te Komiti me whakahau atu ia kia tere tonu te haere ki reira titiro ai i taua whenua, a ki te pai, me mau ano te rori ma te wahi e kiia ana e nga Maori kia kore ai e tutuki atu ki a ratou mahinga.