[Translation.]
No. 83 of 1882.—Pukapuka-inoi a Arana O Niira.

E Ki ana te kai-pitihana no te tau 1873 ka namaia e Okiwi Ngatara i a ia nga moni e £750 hei utu mo te ruri me etahi atu mea e tuturu ai he take mo Ngatara ki Patetere No. 2; na hei tohu utu mo aua moni a te kai-pitihana i meatia e Ngatara kia tau ki runga ki tona paanga i roto i taua whenua; he maha noa atu nga tononga a te kai-pitihana kia utua ona moni kaore ano he moni i hoatu ki a ia; no te 7 o nga ra o Aperira, 1876, ka whakataua e te Hupirimi Kooti taua nama ki a ia tae ana ki te £938 10s. 10d.; no te 11 o Mei, 1877, ka rehitatia taua moni ki runga ki te whenua i roto i te Tari Kooti Whenua Maori, i Akarana; he maha nga taenga o tera o te kai-pitihana ki nga tunga Kooti ki te tiaki ano i a ia i roto i taua whenua engari ko te mahi a Te Kooti he neke anake i te Whakawa o Patetere No. 2; no muri nei katahi ia ka rongo kua tino tukua e Te Kooti a Patetere No. 2 ki raro notemea hoki i kitea kei roto ke taua whenua i te Poraka o Tokoroa, a kua puta he pukapuka tuhinga whakamaharatanga take; na kaore i kaha te kai-pitihana ki te whakahaere i te taha ki a ia notemea kei runga te panui a te Kawanatanga i Patetere No. 2 me Tokoroa; kei te whaitake ano a Ngatara ki roto ki etahi poraka, a kaore e rite te kerceme a te kai-pitihana i te mea kua panuitia katoatia e te Kawanatanga nga whenua e uru ana a Ngatara. E inoi ana te kai-pitihana ma te Kawanatanga e utu te nama a Ngatara ki a ia me nga hua hoki o runga i aua moni—tetahi ma te Kawanatanga e mea kia tau aua moni hei utunga tuatahi i runga i nga whenua a Ngatara.

Kua whakahaua ahau kia ki penei:—

I tukua mai ano tetahi pitihana penei me tenei ki te Komiti o nga Pitihana o te Katoai te tau 1877 tukua atu ana hei whiriwhiringa ma te Kawanatanga. I te tau 1879 ka pitihana mai ano te Kaipitihana a kiia ana e tenei Komiti kia rapua nga tikanga o te pitihana. Kaore te kai-pitihana i whaaki mai i etahi korero, heoi auo ko te tuku mai anake i te kape o te whakataunga a Te Kooti mo nga moni e £938 10s. 10d., engari i runga i nga korero kua tukua mai e te Kawanatanga ki Te Komiti e kitea ana kaore he take e tono ai te kai-pitihana kia whakaritea tona kereeme e te Koroni e te Maori ranei i whakawakia nei e ia.