[Translation.]
No. 94 of 1882.—Pukapuka-inoi a R. S. Tamihana.

E Whakaatu ana te kai-pitihana no tera tau i tuku mai ai ia i tetahi pitihana mo te taha ki tona wahine mo ona take i roto i te Takiwa o To Tai Hauauru o tenei motu o Te Aotearoa; i tukua taua pitihana e te Komiti ki te Kawanatanga; na no reira mai rano kaore ano tetahi mea kia mahia, otiia kei te kino page 5!atu i tenei tau te ahua o taua pitihana i te mea hoki ko tetahi wahi o taua whenua i rahuitia ra kua tangohia i nga Maori hie whakarite i tetahi wahi o nga moni o Te Koroni i pau i runga i nga whakahaerenga a te Koroni kia kore ai e tutu te rangimarire. E inoi ana te kai-pitihana kia whiriwhiria ano tona pitihana a kia tukua he ora ki tona wahine i runga i te mea e kitea ana he tika.

Kua whakahaua ahau kia ki penei:—

Tera ano tetahi pitihana penei i tukua mai i tera tau, a i tukua atu kia whiriwhiria e te Komihana mo te Tai Hauauru, notemea hoki he tu pitihana e taka ana ki raro ki te whakahaere a te Komihana. Kua whai kupu mai a Ta W. Pokiha ki te Kawanatanga mo runga i taua pitihana, na e ki ana ko nga take o te wahine o te kai-pitihana kaore i te nui atu i o etahi ano o tona iwi. Kaore ano te whenua kia wehewehea, engari hei te peratanga tera ano e whakaarohia te paanga tika o te wahine a Tamihana ki te whenua a tona iwi. E whakaaro ana te Komiti kaore he take kia uru noa atu te Komiti ki roto ki te wehewehenga o aua Rahui mo aua iwi, engari ka whai kupu ano te Komiti kia tere te wehewehe te paanga o ia tangata, o ia tangata.