[Translation.]
No. 1 of 1882.—Pukapuka-inoi a Manehera te Tahamate.

E Ki ana te kai-pitihana heoi ano te utu i riro mo nga whenua o tona papa, ara mo Takapuna, e tata ana ki te Puaha, he paipa, he kohua, he tupeka, he patiti. E inoi ana ia kia whakahokia taua whenua ki a raua ko tona tuahine kia utua ketia ranei raua mo taua whenua.

Kua whakahaua ahau kia ki penei:—

I te tau 1874 i tono te kai-pitihana ki te Kawanatanga mo taua whenua, na kiia atu ana ki a ia i reira e kore e taea te whakapuare taua korero i te mea hoki kua maha nga whakapaparanga o muri nei i te hokonga o taua whenua. I runga i nga korero a Te Wheoro i uru ano a Heteraka Takapuna me etahi ki roto ki nga utu, na nga Rangatira hoki te whakahaere mo era tu hoko o mua. Heoi kaore he kupu a te Komiti.