Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1881.

[Komiti Mo Nga Mea Maori]

Komiti Mo Nga Mea Maori.

Taite, 21 Hurae, 1881.

I huihui te Komiti i runga i te panui.

Ko nga mema i reira: Te Roretana, Te Paraihe, Te Hemara, Te Hiana, Taiaroa, Te Wheoro, Tawhai, me Kanara Timipara.

I runga i te motini a Taiaroa, Ko noho a Te Paraihe ki te Tiea i te mea e ngaro ana a Timipara i te tuatahi.

Panuitia ana nga korero o tera huinga Komiti whakatikaia ana.

No. 164.—Pitihana na Ihaia Tainui me etahi tokotoru panuitia ana.

I tae ake a Ariki Make ki te Komiti korero ai mo taua pitihana, kaore i tuhia ona korero (no konei ka tae mai a Kanara Timipara ki te tiea.)

Ka motinitia e Te Hiana, "I runga i te whakaaro a tenei Komiti ko te tono a nga kai-pitihana mo te wehewehe i o ratou paanga he mea tena e taea ana te mahi, a me tere tonu te whakamana; me ata whakaaro ano kia mau nga whenua rahui, me tuha tika nga moni reti, a me tiaki nga take o nga tangata e noho mai nei i runga i aua wahi."

I runga i tenei motini ka menemanatia e Te Paraihe:—"Ko te inoi a nga kai-pitihana ma te whakapau nui ra ano i te moni ka taea te ruri wehewehe; tetahi, me whakarite ra ano nga rohe o nga wahi o ia tangata, o ia tangata; ara, ma nga Maori ano nona te whenua e whakarite aua rohe. Kaore i te marama ma te whakaae i te inoi a nga kai-pitihana e pai ai he tikanga mo nga rahui, e nui atu ai ranei to ratou utu He mea tika kia tiakina rawa nga take tika o nga pakeha e noho riihi ana i runga i etahi o nga rahui o Kereimauta (Arahura) katahi ka whakaputa i nga karauna karaati e inoitia nei e nga kai-pitihana Me rapu e te Kawanatanga nga moni era e pau i te ruri, a mehemea ka wewehea ka pehea ranei te utu o taua whenua; hei reira ka whakaatu atu ki nga tangata o taua whenua. Na ki te tohe tonu i kona nga kai-pitahana kia wehewehea te whenua heoi me whakaae atu ta ratou tono, erangi me tiaki i te tuatahi nga take tika o nga tangata e noho riihi mai nei."

No te tukunga kia pootitia te motini tuatahi tu tonu atu.

Katihi ka apititia atu e Te Hiana ki tenei motini, Ma te Tiamana e tuku kape atu ki te Whare me te Kawanatanga o nga mahinga o tenei ra.

Ka nekehia te Komiti.