[Translation.]
No. 65 of 1881.—Pukapuka-inoi a Te Hoterene Tawatawa me etahi atu e 3.
E Ki ana nga kai-pitihana no ratou a Kopuatoetoe i whakawakia e te Kooti Whakawa Whenua Maori i te 7 o nga ra o Mei, 1879; kaore i tae atu he panui o te Kooti kia ratou, no reira kihai ratou i tae atu kia uru ai o ratou ingoa ki roto ki te Karauna karaati; i tae ta ratou whakahe ki te Tumuaki Kaiwhaka ki a Te Penetana a i tono ratou mo tetahi whakawa tuarua, kaore i whakahoki wawetia ta ratou tono; no muri rawa katahi a Tiki Tino Kaituhituhi ka whakahoki kupu ki a ratou engari kihai i marama.
Kua whakahaua ahau kia ki penei:—
I tukua e nga kai-pitihana te taima i whakaritea e te ture kia pahure katahi ano ratou ka tono whakawa tuarua, na i te mea kaore ano kia whakarereketia te ture e kore e ahei kia whakapuaretia ano taua whakawa.