[Translation.]
No. 176 of 1881.—Pukapuka-inoi a Te Rerenga me etahi atu 42.

E Ki ana nga kai-pitihana i mahara tonu ratou ko Waipingao (e tata ana ki Parininihi) te rohe ki raro o te whenua Rau-patu i Taranaki, no naianei ano ka whakaaturia atu e Parete he Mapi kia ratou, a i roto i taua mapi ko Te Horo te rohe, kotahi maero te matara atu i Waipingao ki te taha ki raro. E inoi ana ratou kia whakaritea te rohe ki Waipingao.

Kua whakahaua ahau kia ki penei:—

Ko te rohe o te whenua Rau-patu i Taranaki i whakatuturutia ki Te Horo e te Ota a te Kawana i roto i tona Kaunihera i te 2 o nga ra o Hepetema, 1865, a haere maro atu te rohe ki te Rawhiti mo te rua te kau maero. He pohehe te whakaaro o nga kai-pitihana ko Waipingao te timatanga atu o te rohe. Kaore he mana o te Komiti ki te whakarereke i nga rohe i whakatakotoria i roto i te Panuitanga.