Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1881.

[Translation.] — No. 29 of 1881.—Pukapuka-inoi a Mokena Kohere

[Translation.]
No. 29 of 1881.—Pukapuka-inoi a Mokena Kohere.

E Ki ana te kai-pitihana i runga i te tikanga Maori ko ia te tangata nana tetahi whenua e tutata ana ki Kihipane ko Titirangi te ingoa, kua whakaurua ki roto ki tetahi Poraka ko Kaiti te ingoa, a i te whakawakanga o Kaiti i te tau 1873 e te Kooti Whakawa Whenua Maori, i Poneke ke ia i runga i tana mahi Paremete, no tana ngaronga i kapea ai tona ingoa ki waho o te Karaati; e ki ana ano hoki ia i puta te kupu whakaae ki a ia tera ka tuaruatia te whakawa o taua whenua, a i te tau 1879 i te karangatanga kia whakawakia ano, no runga i tetahi take kahore i mohiotia kahore i whakawakia, no muri i tena he maha ana tono kia whakawakia ano, a i Hanuere, 1881, i tae ano ia ki te nohoanga o te Kooti Whakawa Whenua Maori, a mea ana te Kooti ki a ia e kore e taea te whakawa, engari ko te mea pai me tono ia ki te Paramete. E tono ana te kai-pitihana kia whakaorangia tona mate.

Kua whakahaua ahau kia ki penei:—

Ki ta te Komiti titiro kahore i tau he mate ki te kai-pitihana, otiia mehemea he tikanga ture he rapua ana tera ka taea te whakaoti ina whakaputa ia i tetahi tono hou. Kahore he kupu a te Komiti.

23 Akuhata, 1881.