Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1881.

[Translation.] — No. 254 of 1881.—Pukapuka-inoi a Wi Pere me etahi atu 30 (Nama 4)

[Translation.]
No. 254 of 1881.—Pukapuka-inoi a Wi Pere me etahi atu 30 (Nama 4).

E Whakahe ana nga kai-pitihana i nga Ture o te Kooti Whakawa Whenua Maori, e ki ana hoki ko etahi o nga tangata e uru ana ki nga kaarati, me nga tiwhikete, me nga pukapuka whakamahara i runga anake i te aroha o nga rangatira, ko etahi e uru ana i runga i nga take tipuna, ahakoa kaore aua tipuna i noho i runga i aua whenua i roto i nga tau 50, 100, 150 ranei, ko etahi e uru ana i runga i te tikanga raupatu. E ki ana hoki ratou kua whakaritea nga tutua ki nga rangatira, a e ki ana hoki aua tangata tutua e rite tonu ana o ratou take ki nga take o nga rangatira. E inoi ana hoki ratou kia mahia he ture hei whakamana i te Kooti Whakawa Whenua Maori ki te wehewehe i nga whenua i riihitia otira e mea ana ano ratou kia tiakina ano nga take o nga kai-riihi.

Kua whakahaua ahau kia ki penei:—

Ko tera taha o te pitihana e korero nei mo nga tangata e uru nei o ratou ingoa ki nga Karauna karaati, he mea ke tera hei ata whakaarohanga ma nga Maori e whaitake ana ki nga whenua. Ko tera taha o te pitihana e pa nei ki te wehewehe i nga take mo nga whenua e riihitia ana, he mea tera kei te whiriwhiria e te Whare i roto i tetahi Pire, a he mea hoki tenei e pa ana ki nga tikanga whakahaere mo te katoa, no reira ka kore he kupu a te Komiti.

18 Akuhata, 1881.