[Translation]
No. 224 of 1881.—Pukapuka-inoi a Kawaka Hunia me etahi atu e 82.

E Ki ana nga kia-pitihana i kahititia a Otamakapua No. 2, e tae ana ki te 104,000 eka, kia whakawakia e tetahi Kooti ki Nepia i te 7 o nga ra o Akuhata, 1879; i tu taua Kooti i te tuatahi ki Hehitingi (Heretaunga), no muri ka nekehia ki Omahu—e tata ana ki Nepia—ki te pa o Renata Kawepo, i whakataua e te Kooti te whenua kia Utiku Potaka, Renata Kawepo me etahi atu, na ko nga kai-pitihana o te Iwi o Ngatiapa i kapea ki waho; ko etahi o nga kia-pitihana i tono kia whakawa tuaruatia te whenua kaore i whakaaetia. He maha ano nga take e whakatakotoria ana e nga kia-pitihana i tono ai ratou kia whakapuaretia taua whakawa, me ta ratou whakahua ano i etahi ingoa tokowha i roto i te pitihana kei roto ano i te Karauna karaati, a ko te ki a aua tokowha kei te tika tonu te whai take o nga kiapitihana ki tetahi wahi ake ano o taua poraka.

Kua whakahaua ahau kia ki penei:

No Oketopa, 1879, i whakawakia ai e te Kooti te whenua e whakahuatia nei i roto i te pitihana, a i ata whakawakia rawa e Tiati Hira e Tiati Ianga me te Ateha Maori; i tu ano he roia mo nga kaipitihana; na ko te whenua e tono nei ratou kihai ratou i runga e noho ana i muri iho i te taenga mai o te Whakapono.

Kaore he take e kitea ana e te Komiti e whakarereketia ai te whakataunga a te Kooti engari ka tukua atu ma te Kawanatanga e whakaaro.