[Translation.]
No. 97 of 1881.—Pukapuka-inoi a H. K. Taiaroa (Nama 1).

E Ki ana te kai-pitihana i pitihana ia ki te whare i te tau, 1880, erangi ko te whakataunga a te Komiti mo nga mea Maori kihai i tika ki runga ki tana i hiahia ai, no reira ka inoi ano ia mo te £400 me nga hua o runga, a tetahi, kia panuitia katoa nga korero me nga pukapuka.

Kua whakahaua ahau kia ki penei:—

I whakatau ano te Komiti i runga i tetahi pitihana penei i tukua mai e te kai-pitihana ki te whare i te tau kua mahue ake nei; i penei taua whakatau: "I runga ano i nga korero a Taiaroa, ko te take i roa ai te £4,000 e puta ana, nana tonu, na te kai-pitihana i kore e whakaae ki te mea i nga tangata e pa ana ki aua moni kia tuhi i tetahi pukapuka whakaae i te rironga o aua moni, i te mea ano hoki kua oti te whakaae hei utunga whakamutunga tera mo aua kereme; e ki ana ano hoki a Taiaroa ko te take i whakaroa ai ia i taua mea he mea nana kia utu ano te Kawanatanga i tetahi atu £1,000. Heoi no reira e kore e whakahau te Komiti kia whakaaetia te inoi a te kai-pitihana."

Kaore ano he korero hou i puta ake i roto i tenei whiriwhiringa; heoi ta te Komiti he whakahua ano i te whakataunga i runga ake nei.