[Translation.]
No. 98 of 1881.—Pukapuka-inoi a Hemara Tauhia me etahi atu e 32.

E Ki ana nga kai-pitihana no ratou a Hautuau (Little Barrier Island), i tukua hetia e te Kooti Whakawa Whenua ki a Ngatiwai. E ki ana ratou i tika te whakatau a Tiati Rokena ki nga kai-pitihana te whenua i te 16 o Hune, 1880, engari ko te Ateha i tu ki te Kooti i te whakawakanga i muri iho he mea utu. E ki ana ratou era ratou e man tonu ki te whenua, a tera e tu te pakanga. Ko te kupu whakamutunga a nga kai-pitihana he ki kia mutu te hanga ture hou a te Paramete mo te whenua Maori, kei waiho hei take whawhai i waenganui i nga iwi Maori.

Kua whakahaua ahau kia ki penei:—

I whakawa tuaruatia tenei whenua i te 14 o Mei, 1881, e Te Penetana raua ko tetahi Ateha Maori. I rereke te whakaaro o te Ateha, i rereke te whakaaro o te Tiati, no reira ka nekehia ano te whakawaka. No te 8 o Hune, 1881, ka whakataua e Tiati Moanaroa raua ko tetahi Ateha taua whenua ki a Ngatiwai na reira i mea ai nga kai-pitihana kei te noho mate ratou.

Kei te whakahaere te Kawanatanga i naianei i etahi tikanga e oti ai tenei mea, na e whakahau ana hoki te Komiti kia whakaotia tenei raruraru nui.