[Translation.]
No. 160 of Session II., 1879.—Pukapuka-inoi a Te Oti Pita Mutu me etahi atu e 25.

E Ki ana nga Kai-pitihana no te tau 1868 ka whakataua e te Kooti Whenua Maori etahi rahui ki a ratou hei wahi mahinga ika; i mau tonu i a ratou aua rahui nei a ko to ratou ora nui ko nga rauiri o roto i nga hapua e ingoatia ana ko Ohuapounamu, ko Torotoroa, me Waimaiaia; na nga pakeha o reira i te tau 1876 i keri te wai o aua roto, mate ana nga ika o roto a nui ana te mate i pa ki nga tangata no ratou aua roto. E ki ana ano ratou tera tetahi rahui 10 eka i tukua ki a ratou i te ngutuawa o Rakahuri, engari ko taua wahi e ngaro ngaro ana i te waipuke a he kino rawa te whenua kaore rawa e pai: E tono ana ratou kia whakanuia taua wahi kia 20 eka a e ki ana kei reira tetahi piihi whenua kaore ano kia hokona a era noa atu e pai ma ratou. Ko ta ratou inoi kia whakaarohia to ratou mate a ka whakaputa i tetahi ora.

Kua whakahaua ahau kia ki penei:—

Na mo nga roto o te Ohuapounamu, Torotoroa, me Waimaiaia e whakahau ana te Komiti ko te whenua kua maroke i waenganui i te whenua Maori me te wai (kia marama te takoto o te raina o te wai) me Karauna karaati ki nga Maori hei utu mo te mate kua pa kia ratou i runga i nga keringa awa; na mo te whakanui i nga eka o te rahui i te ngutu awa o te awa o Rakahuri me tono te Kawanatanga kia whakaaro i taua mea.