Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1880.

[Translation.] — No. 310 of1880.—Pukapuka-inoi a Hapi Hinaki me etahi atu 143

[Translation.]
No. 310 of1880.—Pukapuka-inoi a Hapi Hinaki me etahi atu 143.

E Ki ana nga Kai-pitihana e noho ana ratou ki waenganui i nga awa o Turanganui me Uawa, a e hiahia ana kia whai mana ki te whakawa i a ratou tautohe e puta ana i roto i taua takiwa; ki te mea he tautohe i waenganui i te pakeha me te Maori e tika ana kia tu he Ateha Maori me te Kai-whakawa Pakeha; e hiahia ana ratou ki tetahi hiiri hei hiiri i a ratou whakataunga, i a ratou hamene, me etahi atu mea; ko a ratou ture me a ratou ritenga kia whakamanaia ki roto ki tera takiwa e te Kawanatanga, kia "whai mana ta ratou Komiti ki te whakawa hara i waho o tera takiwa mehemea e tono ana nga hunga nona te whakawa kia whakawakia ki reira." Me utu ratou ki te Kawanatanga £10 (kotahi te kau pauna) ia tau o roto i nga moni e puta ana i roto i nga whakawa. Ko nga wahi e whakawakia ana e ratou me kaua tetahi Kai-whakawa Pakeha e whakatau i muri iho. Ko te nuinga o nga Kai-pitihana e whakaaro ana me kotahi he nohonga mo ratou i te tau "ki te hanga ture ki te hanga ritenga." Heoi e ki ana nga Kai-pitihana mehemea e whakaaetia ana ta ratou tono mo enei mea tera e puta he pai mo ratou ki ta ratou whakaaro a era e tau he rangimarire ki taua takiwa.

Kua whakahaua ahau kia ki penei:—

Me tuku tenei pitihana ki te Kawanatanga.

11 Akuhata, 1880.