[Translation.]
No. 96 of Session II., 1879.—Pukapuka-inoi a Kereopa Hone Hone me etahi atu e 35.

E Ki ana nga Kai-pitihana ko tetahi whenua (i roto i to takiwa o Karioi), e whakaaturia ana e nga rohe i roto i te pitihana, i whakaritea mo ratou. Kihai i ruritia taua wahi i te takiwa i tukua ai ki a ratou. No te whakaturanga i nga kai-ruri ruritia ana e ratou e 600 eka anake kaore i haere i runga i nga rohe i kiia ai. E inoi ana nga Kai-pitihana kia rite tonu nga rohe ki nga ingoa o nga wahi i karangatia i roto i te hoko tuatahi.

page 3

Kua whakahaua ahau kia ki penei:—

E kitea ana kaore te rohe whakauta o tenei rahui i ruritia, a i runga i te kore ruri he mahara kau te whakahua a Te Rokena i te nui o nga eka o taua rahui. Na ki tetahi taha kaore he take e whakahe ai i te tika o nga wahi e whakaingaotia ana ko nga rohe i hiahiatia i te takiwa o te hoko, ahakoa pea tera e nui rawa atu i nga eka i karangatia e Te Rokona. Huia katoatia nga take e whakaaro ana te Komiti ko te wahi nui ano e tohea ana e nga Maori me tuku atu ki a ratou. Heoi ano te wahi raruraru ko tetahi piihi paku o te whenua tautohe kua tukua e te Kawanatanga ki tetahi pakeha i raro i te Ture Whakanohonoho Kainga. Engari kua mea tana pakeha era ia neke ki wahi ke me e hoatu ana e te Kawanatanga tetahi piihi rite tonu ki a ia i waho o taua rahui. Koia ta te Komiti e whakahau ana kia peratia.