Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1880.

[Translation.] — No. 196 of1880.—Pukapuka-inoi a H. K. Taiaroa

[Translation.]
No. 196 of1880.—Pukapuka-inoi a H. K. Taiaroa.

E Mea ana te Kai-pitihana mo te whakaturanga i tetahi Komihana hei whiriwhiri mehemea i whakaritea nga tikanga o roto i te hoko o te Waipounamu. E inoi ana ia kia pootitia atu ano etahi moni e te Paremete hei whakaoti i taua whiriwhiri.

Kua whakahaua ahau kia ki penei:—

I whakaturia nga Komihana e rua i Pepuere, 1879, na ko nga pire kua tukua mai e raua i taua takiwa a tae mai ki naianei hei utunga ma te Kawanatanga kua tae ki te £1,715 9s.; ahakoa kua maha nga tono atu kia whaki korero mai raua mo te haere o ta raua mahi, a awhea ranei puta mai ai tetahi kupu whiriwhiri; kaore ano kia puta mai he kupu ma raua ki te Tari Maori he oti ano ko nga pire anake kia utua, kaore ano raua kia puaki mai awhea ranei puta ai he kupu whiriwhiri engari ko tetahi o raua kua ki ake me whakarite atu ano he moni kia £800 hei whakaoti i taua whiriwhiringa. Kaore he hiahia o te Komiti ki te whakakore i te tikanga i tu ai taua Komihana; engari e tino marama ana te whakaaro me puta mai he kupu whiriwhiri a aua Komihana katahi ano ka tika kia whakapau te Kawanatanga i etahi atu ano moni kia marama ai nga mea kua oti nei te mahi a kia mohiotia ai ka pewhea ranei nga whakahaere a muri ake nei.

28 Hurae, 1880.