[Translation.]
No. 301 of Session II., 1879.—Pukapuka-inoi a Pene Te Ua me etahi atu e 3.

E Ki ana nga Kai-pitihana ko etahi o ratou he tangata Karauna karaati a te Karauna, ko etahi he kairiiwhi tupapaku, a ko etahi he tane no nga wahine o roto i te Karauna karaati. Na ia Atipora Hanara raua ko Hemi Waata nga poraka whenua a Te Awa-o-te-Atua me Kakiraawa, e pupuri ana engari ko te take ki te whenua i runga i te turn i tautohetia, Na no Hanuere, 1870, ka whakaotia ki aua tangata e nga Kai-pitihana tetahi pukapuka hoko me tetahi pukapuka whakatuturu i taua take whenua mo nga moni £17,500. Ko nga tikanga i whakaotia ai taua pukapuka i whakahaerea mo nga Kai-pitihana e Henare Rata me Hone Hiana, a i riro na aua tangata i tango te £17,500. Na kaore ano i tukua ake e taua Henare Rata me Hone Hiana tetahi kaute whakamarama i pewheatia ranei te whakapau i aua moni. E kiia ana he nui nga moni i utua mo nga mahi i whakahaerea i runga i te ture, a ko tetahi wahi o aua moni e kiia ana i tukua ki te Peeke; he wahi iti nei o aua moni kua utua ki etahi o nga Kai-pitihana engari kaore ano nga tino moni e tika ana kia puta kia ratou. Kua korerotia ki nga Kai-pitihana, ki te kawea to ratou mate ma te ture e whakaora era e nui te pau o te moni a era hoki e roa noa iho, tetahi hoki kaore a ratou moni hei whakahaere whakawa. Na e inoi ana ratou kia tirohia kia hurihuria enei putake e te Whare.

Kua whakahaua ahau kia ki penei:—

Ko te korero kua ara nei i nga Kai-pitihana me tuku atu ki te Kooti e te ture heoi kaore he kupu a te Komiti.