Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1880.

[Translation.] — No. 232 of1880.—Pukapuka-inoi a Ngatiapa

[Translation.]
No. 232 of1880.—Pukapuka-inoi a Ngatiapa.

E Ki ana nga Kai-pitihana i whai take ratou ki tetahi whenua i kawea ki roto ki te Kooti i Puurutaone i te 24 o Hune, 1880. Ko te hunga whakatete mo reira ko Ngatihauiti, na i te 5 o nga ra o Hurae, ano kua mutu te taha ki a Ngatihauiti a kaore ano i timataria to nga Kai-pitihana whakamutua ana e te Kooti nga roia; no runga i taua whakahaere kore ana e puta tika te whakawa a nga Kai-pitihana unuhia ana e ratou ki waho a kopi ana te Kooti. I pau a ratau moni e £500 i runga i taua whakahaere a te Kooti heoi e inoi ana nga Kai-pitihana kia whai-tikangatia to ratou mate.

Kua whakahaua ahau kia ki penei:—

I whakaarohia e te Kooti e roa noa iho ana te takiwa i nga roia kaore he tikanga, engari e nui ana nga moni e pau ana i a ratou a nga hunga e pa ana ki te whenua. Engari i tukua ano nga roia kia mahi mo etahi ra, kaati ko te huarahi tika pea mei tukua ano aua roia kia mahi tonu a mutu noa te whakawa. Na mo tenei e whakaaro ana te Komiti i runga i nga korero kua tae mai ki tona aroaro mehemea e whakawakia houtia ana taua mea me kaua he roia he kai-whakahaere ranei tera e toe he moni ki nga Kai-pitihana. Tetahi mea i roto i nga korero ko te Kooti ka tata ano te tu mo taua whakawa, ka tu he Kai-whakawa hou he Ateha hou hoki, na i runga i te waiho atu i tenei mea ma taua whakawa hou kaore he kupu i naianei a te Komiti kia pewhetia ranei he ritenga. E whakaaro ana ano hoki te Komiti kia whakamaharatia te Kawanatanga ki te kupu a te Tumuaki Kai-whakawa i roto i ana korero i te aroaro o te Komiti, penei na, heoti ano te mana o te Kooti ko te whakakore roia, kaiwhakahaere ranei, na kaore e eke atu te mana o te Kooti ki te whaka-tikatika i nga moni e meatia ana e aua roia kia utua ki a ratou, ma te whakahaere hoki a nga roia i ruuga i te ahua kai-whakahaere mo nga Maori e hapa ai te mana o te Hupirimi Kooti me etahi atu Kooti ki te whakatikatika i nga utu mo ratou.

21 Hurae, 1880.