[Translation.]
No. 24 of1880.—Te Pukapuka-inoi a Eru Patuone me Ani Taiuru.

E Ki ana nga Kai-pitihana i noho te Kooti Whenua Maori ki Rawene i te 8 o nga ra o Hanuere, 1879, ki te whakawa i nga take o te whenua o Omapere, e wha nga hapu o nga tangata i mea e whai take ana ratou, kahore i whakaaetia te take o nga Kai-pitihana, e rua o ratou tononga atu ki te Tino Kaiwhakawa o te Kooti Whenua Maori kia whakawakia ano, a kihai i whakaaetia.

No te korenga e whakaaetia kia whakawakia ano, haere ana ratou ki runga ki te whenua ki te keri kapia, a kei te tautohetia inaianei taua whenua, no reira te inoi a nga Kai-pitihana ki te Paremete kia whakawakia ano taua take.

Kua whakahaua ahau kia ki penei:—

Ko te tino putake o taua tautohe ko nga pa tuna, na ko aua pa tuna kei tetahi whenua ka taea noa atu e ratou e whai take ana, te tuku kia whakawakia e te Kooti Whenua Maori no reira ka kore e taea e te Komiti te whakarite tikanga mo tenei mea.