[Translation.]
No. 36 of Session II., 1879.—Pukapuka-inoi a Meiha Te Wheoro.

E Ki ana te Kai-pitihana no te tau 1863, i runga i tetahi panui i roto i te Kahiti, i awhina ia me tona iwi ia Tianara Kamarana me ona hoia i te takiwa o Waikato a i mahi ia mona i roto i te whawhai; na no to ratou hokinga kitea ana e ratou kua rau-patutia to ratou whenua, ko tetahi wahi anake i whai take ai ratou i whakahokia ki a ratou. E inoi ana te Kai-pitihana mo te taha ki a ia me ona hapu o Waikato kia whakahokia nga whenua i raupatu hetia.

Kua whakahaua ahau kia ki penei:—

Ko nga tono a Meiha Te Wheoro me nga tangata piri-pono ki te Kuini o tona iwi, e tika ana kia ata whakaarohia i runga i nga take i mau tonu to ratou piri-pono i roto i nga takiwa o te manawanui, tetahi, i runga i te tokomaha o ratou he iti noa te whenua o ratou ake i mua o te raupatu i whakahokia ki a ratou. No reira ka whakahaua te Kawanatanga kia whakatakotoria etahi huarahi e tika ana hei tino ata whiriwhiringa, e taea ai te whakaoti wawe taua mea katoa nei.