[Translation.]
No. 122 of1880.—Pukapuka-inoi a Pita Otene.

E Ki ana te Kai-pitihana no te tau 1876 i riihitia e ia tetahi paamu ko Belmont e 360 eka a i noho ia ki runga. Ko te taiapa rohe i waenganui i taua wahi me tetahi whenua ko te Komata kaore ano kia whakaarahia ahakoa te raina ruri tera ano kua tapahia me roto i te ngaherehere. I muri i te rironga o taua wahi i a ia ka whakamatau ia ki te whakaara taiapa engari kaore i tukua e nga Maori, kaore hoki i tukua e ratou ona kau ki runga ki etahi eka 150 o tona paamu, ahakoa kei roto katoa taua whenua i te Karauna karaati a i nga pakeha e noho ana neke atu i nga tau 30. E inoi ana ia kia mahia tetahi tikanga e mau kore raruraru ai ki a ia taua wahi a kia utua ano hoki ia mo tona rarunga.

Kua whakahaua ahau kia ki penei:—

Notemea ko tetahi pito tenei o tetahi korero nui mo etahi take whenua raruraru i roto i te takiwa o Ohinemuri a mea ana te Komiti kia whakamaharaharatia te Kawanatanga kia tahuri ki taua mea.