[Translation.]
No. 183 of Session II., 1879 (No. 2).—Pukapuka-inoi a Te Oti Pita Mutu me etabi atu.

E Ki ana nga Kai-pitihana i whakataua e te Kooti ki a ratou i te tau 1868 etahi whenua i Rakaia, i Hakatere, i Wairewa, me Tawera; na ahakoa i rahuitia aua whenua mo ratou kaore ano he tikanga i hangaia e ahei ai aua whenua te riro kia ratou; ko nga pakeha anake e mahi ana i te whenua hei whangai i a ratou kararehe; he maha nga takiwa i tonoa ai te Kawanatanga kia whakahaerea taua mea kihai ano i mana. Heoi e tono ana nga Kai-pitihana kia whakamanaia ratou ki te riihi i aua rahui hei oranga mo ratou.

Kua whakahaua ahau kia ki penei:—

Notemea kua tu he Kooti Whenua Maori ki reira i muri i te tuhinga mai o tenei pitihana a kua puta ana whakatau heoi kaore he kupu a te Komiti heoi ano ko te tono atu i te Kawanatanga kia tere te whakaputa i nga Karauna karaati ki nga tangata o te whenua.