Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1880.

[Translation.] — No. 345 of Session II., 1879.—Pukupuka-inoi a Timi Waata Pakihi me etahi atu

[Translation.]
No. 345 of Session II., 1879.—Pukupuka-inoi a Timi Waata Pakihi me etahi atu.

E Ki ana nga Kai-pitihana e noho ana ratou kei Maketu, Bay of Plenty. No te tau 1864, ka tahuna e etahi Maori whawhai ki a Te Kuini o ratou whare, ka pakaruhia o ratou waka, a ratou mea ngakinga kai, me etahi atu taonga e tae ana nga utu mo aua mea katoa ki te £853. Na no te tau 1865, ka tahuna e nga Hauhau te kaipuke a nga Kai-pitihana ko tona utu e £506. Ko nga taonga i ngaro i runga e tae ana ki te £19. No runga i tetahi panui a te Kawanatanga ka tukua atu e nga Kai-pitihana o ratou tono i te tau 1865, ki tetahi Komihana i whakaturia ano hei whakarongo i aua tono. Na ko nga korero katoa i tukua ki Poneke, erangi kaore ano hoki he tikanga kia mahia, ahakoa he nui nga tikanga kua mahia mo nga iwi Hauhau. Heoi e tono ana nga Kai-pitihana kia wawe te whakaaro i taua mea, a te whakaputa hoki i tetahi ora.

Kua whakahaua ahau kia ki penei:—

Kia tukua tenei mea ki te Kawanatanga.

2 Hurae, 1880.