Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1880.

[Translation.] — No. 371 of Session II., 1879.—Pukapuka-inoi a Harete Tamehana Te Waharoa me etahi atu

[Translation.]
No. 371 of Session II., 1879.—Pukapuka-inoi a Harete Tamehana Te Waharoa me etahi atu.

E Ki ana nga Kai-pitihana i whai take ratou ki te whenua i Tauwhare; e 21,000 eka whenua rau-patu i hoatu ki tetahi wahanga o Ngatihaua erangi kaore i whakaputaina he Karauna karaati. I hokona e te Kawanatanga nga take o nga Maori i runga i te whakawehiwehi, i mea, ki te kore ratou e tango i te utu iti ka kore noa he mea e riro i a ratou. Na i runga i taua whakawehiwehi hoko ana etahi, ko etahi kaore i whakaae, i whakarere i taua takiwa haere ana ki te Hauhau. E matauria ana ko te take i kore ai e puta nga Karauna karaati he here no taua whenua. E inoi ana nga Kai-pitihana kia katia e mana ki runga ki o ratou paanga aua hoko a te Kawanatanga, a nga pakeha noa iho nei ranei i te mea i mahia i runga i te whakawehiwehi a kaore hoki ratou i whakaae ki aua hoko.

Kua whakahaua ahau kia ki penei:—

Kua mohio te Komiti he maha nga tangata e mea nei he take o ratou ki taua whenua kua whakaritea, a ko nga mea i toe o aua tangata me whakarite ano. Heoi ka kiia atu e te Komiti ki te Kawanatanga kia whakaarohia taua mea a kia tere te whakaoti. Tetahi kia whakaarohia e te Kawanatanga te whakapae e tautokotia ana e te korero, he mea whakawehiwehi nga Maori kia hoko i o ratou whenua. Na e hiahia ana te Komiti kia tino rapua taua whakapae.

2 Hurae, 1880.