[Translation.]
No. 32, Session I.—Te Pitihana a Paramene Oneone.

Ko te kai-pitihana he Maori no Haku Pei e ki ana i te tau 1869 i tuhi ia i tona ingoa ki tetahi pukapuka mokete no reira i riro ai tona whenua ehara i te mea nona ake te he kaore hoki i whakamaramatia ki a ia te tikanga o taua pukapuka—ka ki ano te kai-pitihana e meatia ana i tuhi ia i tona ingoa ki tetahi pukapuka hoko o Raukawa West. A ki a ia kaore ona mohio ki tona tuhinga ki tetahi atu pukapuka ko te mokete ra anake. E ki ana ia i tinihangatia ia me etahi atu i o ratou whenua i runga i te tuku waipiro ki a ratou e tetahi tangata, ko taua tangata nei i oati teka ki te aroaro o tetahi Komiti o te Runanga Whakatakoto Ture i mea kaore i peratia. E ki ana te kai-pitihana i anga ia ki te mea kia tau he whiu ki runga ki taua tangata i roto i nga Kooti o te ture engari na etahi take ano i kore ai e taea e ia. Ko tetahi o aua take nei ko tona kore kaore e kaha ki te mea kia whakaputaina nga korero tuhituhi a te Kaunihera Whakatakoto Ture. Heoi ka page 27inoi ia ma te Whare e whakahaere he tikanga whakawa mo Hone Kipihana Keneroihi, a kia whakaarohia o ana moni i pau i runga i te whakahaere whakawa pera. Na ko nga mate hoki e tau ana ki a ia me ona hoa o roto i te Karauna kataati kia ata tirohia a ka whakaputa i tetahi whakaora.

Kua whakahaua ahau kia ki penei:—

E whakaaro ana te Komiti kia tukua tenei pitihana kia tarewa mo tera Paremete kia taea ai te ata whiriwhiri i reira.