[Translation.]
No. 115 of Session I., 1879.—Pukapuka-inoi a Haterea Kotutekorinuku.
E ki ana te kai-inoi ko tetahi moutere ko Ripapa, kei Poti Kupa, kaore rawa i hokona ki te pakeha, a, ahakoa, ki pewhea ranei te tangata, ko ia tonu anake te uri o te tangata nona ake taua oneone. No reira ka inoi ia kia utua ia mo taua moutere, kia hoatu ranei he whenua mona i wahi ke atu.
Kua whakahaua kia ki penei:—
Na i runga i te whakaaro o te Komiti, ko te korero take whenua Maori kua puta nei i roto i tenei Pitihana, e kore e taea te ata rapu pai e tetahi Komiti motuhake o tenei Whare. A e mea ana ratou kia kupu tohutohu atu ki te Kawanatanga, kia tahuri ake te Kawanatanga ki te whakaaro i nga kupu a te Komiti mo nga mea Maori, i whakaarahia i te tau 1876—ara; kia tirohia tetahi huarahi whakamana mo tenei mea, a ko te mana o taua Kooti i kiia i reira kia whakaturia, me eke ki runga ki enei tu take e mau nei i roto i tenei Pitihana.