[Translation.]
No. 12, Session II.—Pukapuka-inoi a Arana Oniira.
E ki ana te kai-pitihana i whakaputaina e ia he moni i te tau 1873, ki etahi Maori i runga i te whakaritenga kia tukuna ia kia hoko whenua i nga utu ano mo te whenua i taua takiwa; i tau tona taunaha ki runga ki taua whenua, a i riro mai i a ia te pukapuka a Okewi Ngaturera whakaae ki te whakarite i nga moni. E ki ana ia (te kai-pitihana) na te Kawanatanga i arai te hoko a nga Maori i te whenua, no reira hamenetia ana e ia a Okewi Ngaturera i roto i te Hupirimi Kooti a whakataua ana kia utu taua Maori i nga moni £938 10s. 10d.; engari kihai i taea te whakamana te riti a te Kuini i roto i te takiwa e noho ana te kai-pitihana. Heoi no reira ka inoi ia kia whakaorangia tona mate.
Kua whakahaua ahau kia ki penei:—
Kia tukua atu te pitihana a Arana Oniira kia whakaarohia e te Kawanatanga.