Translation.
No. 139, Session I., 1879.—Pukapuka-inoi a Mere Taituha.
E ki ana te kai-pitihana ko tetahi whenua i Otakou no tona hakoro no Tamarua kei reira e tanu ana, a e inoi ana ia kia whakahokia ki a ia, notemea he wahi tapu, a kei runga hoki e tu ana nga whare Pakeha.
Kua whakahaua ahau kia ki penei:—
E whakaaro ana te Komiti, na ko nga putake korero take whenua Maori penei me tenei i roto i tenei pitihana mehemea e meatia ana kia mahia, me tuku atu ma tetahi atu Kooti e mahi, kaua ma tetahi Komiti Motuhake o te Paremete notemea he iti rawa te takiwa hei mahinga ma ratou. E kore a ahei te Komiti ki te whakahua i tona whakaaro kia whakaturia ranei taua Kooti kia kore ranei, engari ka whai kupu tohutohu atu ratou kia whakaarohia e te Kawanatanga.