[Translation.]
Te Pukapuka-inoi a Mata te Pouaru.

E ki ana te kai-inoi i whai take nui ia ki etahi whenua i Te Wairoa, ko etahi o aua whenua i tangohia mo te hara o te iwi, ko etahi i uru ki te hoko a Totaea Hemara. E ki ana te kai-inoi kihai ia i kite i te whakawakanga o enei whenua i hokona nei e tona iwi ake, no te mea i Rangitikei ia e noho ana i taua takiroa. E tono ana te kai-inoi kia whakahokia kotahi mano eka ki a ia.

Kua whakahaua ahau kia ki penei atu ki te Whare:—

No te mea kaore i tino kaha nga korero i puaki ki te aroaro o te Komiti mo runga i te tikanga o tenei pitihana, e tuturu ana te whakaaro kaore he tino take o te kai-inoi penei me tana whakaatu mai i roto i te pitihana. E kore e ahei te Komiti ki te tohutohu atu ki te Whare kia whakaarohia tenei pitihana.