[Translation.]
Te Pukapuka-inoi a Nepihana Tuiri.
E ki ana te kai-inoi kua maha nga tau i noho pouri ai ia mo tona whenua mo Waitoa i tangohia e Te Moananui hoko atu ai ki te Kawanatanga ahakoa, kahore ia te kai-inoi i whiwhi ki tetahi moni. E tono ana ia kia hoatu he moni ranei he whenua ranei ki a ia hei whakaea i tona mate.
Kua whakahaua ahau kia ki penei atu ki te Whare:—
E pouri ana te Komiti notemea kahore ratou i whai takiwa ki te uiui i nga tikanga e taea ai e ratou te whakaputa i tetahi whakaaro ma ratou mo runga i nga kupu o tenei pukapuka-inoi.