[Translation.]
Te Pukapuka-inoi a Teoti Pita Mutu ma.
No Ngaitahu enei kai-inoi kei Kaiapoi to ratou kainga, e inoi ana ratou kia whakaritea tetahi tikanga e taea ai te whakawa o ratou take ki tetahi taha, nga take o Ngatitoa o era atu iwi ranei ehara i nga iwi tuatahi ki taua whenua i tetahi taha. E kore ratou e pai kia whakaeangia tetahi kupu whakaari e kiia ai he tika te take o Ngatitoa i runga i te rau patu e ki ana hoki nga kai-inoi he iwi mahaki noa iho ratou ehara ratou i te iwi hiahia ki te whawhai ki te kohuru ranei na Ngatitoa ke te whakatara.
Kua whakahaua ahau kia ki penei atu ki te Whare:—
E pouri ana te Komiti notemea kahore ratou i whai takiwa ki te uiui i nga tikanga e taea ai e ratou te whakaputa i tetahi whakaaro ma ratou mo runga i nga kupu o tenei pukapuka-inoi.