Ko tenei pukapuka-inoi e whai tikanga ana ki tetahi pukapuka-inoi i tukua mai ki te Whare i te tau 1876, i penei te kupu a te Komiti o taua tau:—

"Ko te Kupu a te Komiti mo runga i te Pukapuka-inoi a Apepahama Tahunuiarangi. (No te Tau 1876 i tukua mai ai.)

"Ko te kai-inoi he rangatira no te Iwi o Ngatiapa e ki ana ia e pouri ana ia notemea kahore ratou ko tona iwi i ora i nga porowhita i wkakaritea mo ratou i roto i etahi hokonga whenua o mua i nga Takiwa o Whanganui o Rangitikei a ko tona tikanga ki reira he tikanga kau no ratou tahi ko etahi atu tangata o tona iwi.

"Kua whakahaua ahau kia ki penei atu ki te Whare:—

"Ki te whakaaro o te Komiti ma te Kawanatanga e whiriwhiri te tikanga o te mea e whakahuatia ana i roto i te pukapuka-inoi.

Kua whakahaua ahau kia ki atu ki te Whare, kahore he kupu hou ma ratou.