[Translation.]
Te Pukapuka-inoi a Arama Karaka ma.

E tono ana nga kai-inoi kia whakawakia tuaruatia to ratou tono ki tetahi whenua ko Te Haehaenga te ingoa i whakawakia i mua ake nei i te aroaro o te Kooti Whenua Maori i Maketu a hinga ana ratou.

Kua whakahaua ahau kia ki penei atu ki te Whare:—

Ko te tono whakawa tuarua a nga kai-inoi kahore i whakaaetia e te Kawanatanga ko te take i tino pau katoa nga tikanga o taua whenua te ata kimi marire. Kahore te Komiti i kite i tetahi take e whakaaro ai ratou e he ana te kupu whakaotinga a te Kawanatanga; no reira e kore ratou e marama ki te tohutohu atu kia whakaarohia paitia e te Whare te tono a nga kai-inoi.