[Translation.]
Te Pukapuka-inoi a Keita Waere.

E tono ana a Keita Waere kia whakaurua tona ingoa ki roto ki te rarangi ingoa o nga tangata o Waimata i Turanga kia puta ai ki a ia tetahi painga i roto i taua whenua.

Kua whakahaua ahau kia ki penei atu ki te Whare:—

Ko te whakaaro a te Komiti he mea ahu raruraru tenei. I whakahokia tetahi whenua ko Waimata te ingoa tona nui e 4,214 eka, hei whakaea i nga tono a nga tangata i piri pono ki te Kuini, i runga i te mana o tetahi Panuitanga i whakaputaia i runga i nga ritenga o "Te Ture mo te Tai Rawhiti, 1868," E page 12rua tekau ma toru nga ingoa tangata e whakahuatia ana i roto i tana panui a ko te tono a te kai-ino he mea kia mohio ai ia mehemea ma taua rua tekau ma toru ra anake nga painga e puta ake ana i taua whenua, he kai-tiaki kau ranei ratou mo etahi Maori e whai take ana ki reira. I runga i nga kupu a Te Raka (Mr. Locke) e kitea tuturutia ana he Kai-whakahaere kau nga tangata kua oti nei o ratou ingoa te panui mo te nuinga o nga tangata, a me ki he kai-tiaki ana tangata kua oti nei o ratou ingoa te panui. Engari kahore te Komiti e whai kupu, mehemea ia ka taea e ratou te whai kupu, mo te tu o enei tangata i runga i nga tikanga o te Ture. Ko tenei, e mea ana te Komiti he mea tika kia tukua atu tenei pukapuka-inoi ki te Kawanatanga kia whiriwhiria ai nga tikanga e ratou.