[Translation.]
Te Pukapuka-inoi a Hapi Kiniha ma (No. 1).

E ki ana nga kai-inoi i kapea hetia tetahi wahi whenua ki roto ki te ruri a te Kawanatanga, ko te nui o taua whenua e 2,000 eka ko taua whenua i rihitia e ratou i mua atu ki a Henare Hareti, a kua riro taua whenua i taua ruri. E ki ana hoki nga kai-inoi ko te nui o taua whenua e 2,000 eka, tona utu tika me ka hokona £10,000; kua maha a ratou tono ki te Kawanatanga ki a ratou apiha hoki kia whakawakia to ratou take a e tono ana ratou inaianei ki te Whare kia whakaorangia ratou.

Kua whakahaua ahau kia ki penei atu ki te Whare:—

Inahoki kua rongo te Komiti i nga korero a Te Karaka, o te Tari Maori, a Raka hoki tetahi tangata mohio ki nga tikanga o tenei pukapuka-inoi me nga kai-inoi tokotoru kitea iho ana e te Komiti kahore rawa he take i ki ai nga kai-inoi he mate to ratou.