[Translation.]
Te Pukapuka-inoi a Hirini Taiwhanga.

E ki ana te kai-inoi ko ia te kai whakapuaki o nga whakaaro o tetahi hui Maori a e tono ana ia ki te Whare kia kaua e whakaaetia te tono a tetahi tangata mehemea ka tonoa kia whakakorea te pooti tuarua a te Maori notemea—

1.	He iwi te Maori no te Kuini i runga i te Tiriti o Waitangi;
2.	127 nga Pakeha i roto i te Runanga, e 6 anake nga Maori;
3.	Ko te kohinga o nga ingoa o nga pakeha kihai i rite ki te kohinga o nga ingoa o nga Maori;page 8
4.	Ko nga Pakeha e maha haere ana ko nga Maori e iti haere ana;
5.	E kiia ana kia whakamana nga tane katoa kua tae o ratou tau ki te rua-tekau ma tahi hei tangata pooti mema no reira ka tino kaha te taimahatanga.

E whakaaro ana te kai-inoi kia tu ra ano he wehenga tuatoru o te Runanga Nui mo nga Maori ake katahi ka tika kia whakakorea te pooti tuarua a nga Maori, engari ekore e tika kia whakakorea inaianei kia tae ra ano pea ki taua wa.

Kua whakahaua ahau kia ki penei atu ki te Whare:—

Notemea he putake tenei hei whiriwhiringa ma te Whare a te wa e korerotia ai te Pire Pooti Mema, kahore te Komiti e whai kupu tohutohu atu mo tenei pukapuka-inoi.