[Translation.]
Te Pukapuka-inoi a Heremaia te Ara me ona Hoa e 43, me Wiremu Katene me ona Hoa e 48.

Ko nga kupu o enei pukapuka-inoi he whakaatu i te he ki to ratou whakaaro o te mahinga o te pukapuka rarangi ingoa o nga tangata whai mana ki te pooti i te Takiwa o Pewhairangi. E tono ana ratou kia whakamutua te pooti a te Maori ki te pakeha, a ko nga mema Maori o te Runanga me whakatokomaha.

Kua whakahaua ahau kia ki penei atu ki te Whare:—

page 6

E whakaaro ana te Komiti i tika te tono a te Kawanatanga ki a te Wiremu tuakana o Hone Wiremu, mema, kia whakamutua e ia tana mahi whakahaere i te kohinga o nga ingoa mo te rarangi ingoa o nga tangata mana ki te pooti, me tana mahi whakahaere hoki i te pootitanga mema i roto i te wa e noho ana tana teina i roto i te Whare Runanga a mehemea e tu a pena ana nga tikanga i roto i etahi takiwa atu me pena ano hoki te ritenga.

Me whakahaere tikanga te Kawanatanga inaianei tonu, a mehemea ka taea i te wa e noho ana te Paremete ka pai, kia kimihia e tetahi Komihana i roto i taua takiwa te tikanga o nga whakapae i whakahuatia i roto i te pukapuka-inoi mo nga tono i kiia nei i tonoa i runga i nga tikanga he kia whakauruhia nga ingoa ki te rarangi ingoa o nga tangata hei kai-pooti mo te Takiwa o Pewhairangi.

Ko aua Komihana kauaka e whiriwhiria i roto i nga apiha o te Kawanatanga kaua hoki e whiriwhiria i roto i nga tangata e noho ana ki taua takiwa e whai whenua ana ranei ki reira e mana aua ranei ki te pooti i reira.

Mo runga i te kupu mo te pooti rua a te Maori kahore he kupu a te Komiti mo tena notemea kei te aroaro o te Whare nga korero katoa mo tena mea inaianei.