[Translation.]
Ko te kupu a te Komiti mo runga i te Pukapuka-inoi a Herewini te Rangai me etahi atu.
E ki ana nga Kai-inoi ko te ono tenei o nga tau i oti ai te whakawa e te Kooti Whenua Maori to ratou whenua kei Hikutaia i te Takiwa o Hauraki. A i runga i te kore kahore i whakaaetia e te Kooti kia wawahia te whenua kua tupu mai he raruraru notemea kahore i te mohiotia e ratou kei whea ra a ratou rohe. E inoi ana ratou kia kimihia he tikanga e taea ai te whakatuturu a ratou rohe.
Kua whakahaua ahau kia ki penei atu ki te Whare:—
Ko te ahua o tenei pukapuka-inoi he mea kia whakarereaketia te whakatau a te Kooti Whakawa Whenua Maori. E mahara ana te Komiti e hara i te mea pai kia tu ratou hei Kooti whakarereke i ta te Kooti Whenua Maori whakatau, notemea e kore rawa e taea e ratou te kohikohi he korero, te whakapau hoki he taima, e oti pai ai i a ratou he whakatau. Na i runga i tenei e mea ana te Komiti kahore e tika kia whakapuaki whakaaro ratou.
John Bryce,
Tumuaki.