[Translation.]
Ko te kupu a te Komiti mo runga i te Pukapuka-inoi a Titipo o Hauraki.
E ki ana te kai-inoi i waiho tona ingoa ki waho o tetahi Karaati i [gap — reason: delete] ko Punia te ingoa, ehara i a ia te he, i whakataua hoki i te mea e ngaro ana ia. Ko taua whenua kua hokona i muri iho nei e nga tangata o te Karaati a e tono ana ia kia whakaarohia te rironga hetanga o tona whenua.
Kua whakahaua ahau kia penei atu ki te Whare:—
Ko te ahua o tenei pukapuka-inoi he mea kia whakarereaketia te whakatau a te Kooti whakawa whenua. E mahara ana te Komiti e hara i te mea pai kia tu ratou hei Kooti whakarereke i ta te Kooti whenua Maori whakatau, notemea e kore rawa e taea e ratou te kohikohi he korero, te whakapau hoki he taima, e oti pai ai i a ratou he whaka-tau. Na i runga i tenei e mea ana te Komiti ka ore e tika kia whakapuaki whakaaro ratou.
John Bryce,
Tumuaki.