Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1877.

[Translation.] — Ko te Kupu a te Komiti mo runga i te Pukapuka-inoi a Herewini Tamahori me ona hoa e 66

[Translation.]
Ko te Kupu a te Komiti mo runga i te Pukapuka-inoi a Herewini Tamahori me ona hoa e 66.

He maha nga kupu whakahe a nga kai-inoi mo to kore kaha mo te mahi he hoki a te Kai-whakawa Tuturu i Waiapu, a e inoi ana ratou kia tangohia atu ana mahi i runga i a ia.

Kua whakahaua ahau kia ki penei atu ahau ki te Whare:—

Ahakoa ekore e taea e te Komiti te whakatuturu he whakaaro ma ratou i runga i tenei mea, kua kitea e ratou i runga i nga kupu i whakapuakina ki te aroaro o te Komiti ka nui te ahua raruraru o nga tikanga o tera takiwa o Waiapu. A e whakaarohia ana he kupu taimaha nga kupu mo te Kemara, koia e meatia ai me tino kimi rawa i reira i taua kainga ana kupu whakapae e tetahi tangata ngakau tapatahi, whakaaro mohio hoki, hei te tangata kahore nei ona tikanga ki taua takiwa ki te Kawanatanga ranei. E mea ana te Komiti ma te Kawanatanga tenei e whakahaere.

John Bryce,
Tumuaki.

Akuhata 10, 1877.