[Translation.]
Ko te kupu a te Komiti mo runga i te Pukapuka-inoi a Wiremu te Whareiro ma.

Ko tenei pukapuka-inoi na nga tangata o te iwi o Ngatipukenga kei Tauranga to ratou Kainga. E tono ana ratou kia tukua ratou kia korero ki te whakakaha i a ratou tono ki tetahi whenua ko Otawa te ingoa kei Tauranga, e tata ana ranei ki reira.

Kua whakahaua ahau kia ki penei atu ki te Whare:—

E kitea ana i runga i nga korero i whakapuakina i te aroaro o te Komiti, i whakaturia a Te Karaka raua ko Te Make i te tau 1864 hei Komihana ki te whakarite i te nui o te whenua kia hoatu ki nga Maori i tono i runga i tetahi kupu whakaari a Ta Hori Kerei kia whakahokia ki a ratou tetahi wahi o te whenua. E kitea ana i runga i nga korero a Te Karaka ehara nga tono i roto i te Pukapuka-inoi i te mea whai tikanga rawa; engari kua whakaaetia e te Kawanatanga te whakawa tuarua i runga i te tono a etahi atu Maori.

Kahore te Komiti i whakaaro he mea tika kia whai kupu tuturu ratou mo tenei mea heoti ano te kupu me whakarongo nga korero a nga Kai-inoi mo runga i ta ratou tono.