[Translation.]
Ko te kupu a te Komiti mo runga i nga Pukapuka-inoi a H. M. Rangitakaiwaho ma, a Hiko Piata ma, a Matiaha Mokai ma.
Ko nga kai-inoi he tangata Maori no Wairarapa a e tono ana ratou kia whakawakia tuaruatia ta ratou tono ki tetahi whenua e tata ana ki Kerei-Taone, Wairarapa, he mea kia kuhua atu etahi ingoa ke atu ki roto ki te tiwhikete.
Kua whakahaua ahau kia ki penei atu ki te Whare:—
E maharatia ana kua ata tirotirohia mariretia e te Kawanatanga te tono a nga kai-inoi kia whakawakia tuaruatia taua whenua, a kahore he take i whakaaro ai te Komiti ebara i te tika te whakataunga a te Kawanatanga kia kaua e whakaaetia te whakawa tuarua, tetahi hoki e kitea ana ka ahei nga tangata e mau ana o ratou ingoa i roto i te tiwhikete ki te tuku atu i runga i te pukapuka i etahi atu tangata kia whai tikanga tahi ki o ratou paanga.
John Bryce,
Tumuaki.